ფეხბურთის ჩემპიონატის ევრო 2012-ის მასპინძლობისთვის კიევის მზადების ფარგლებში, ძალიან მნიშვნელოვანი იყო ჩვენი ქალაქის სტუმრების გადაადგილება თანამედროვე და მაღალი ხარისხის სატრანსპორტო საშუალებებით, კერძოდ ტაქსით.
ტაქსების 90%, რომლებიც მოძრაობენ კიევში, არანაირ სტანდარტს არ აკმაყოფილებს და ეს სერიოზული პრობლემაა.
2009 წლის მარტში, ჩემი ბრძანებით, შეიქმნა სამუშაო ჯგუფი კიევში „მუნიციპალური ტაქსის“ პროგრამის განსახორციელებლად. მის ხელმძღვანელად დაინიშნა იმდროინდელი კიევის საქალაქო სახელმწიფო ადმინისტრაციის თავმჯდომარის პირველი მოადგილე ევგენი ჩერვონენკო.
ამ პროგრამაზე სამუშაოდ ჩავრთეთ პროფკავშირული ორგანიზაციების წარმომადგენლები და მოქმედი ბაზრის ოპერატორები.
მუნიციპალურ ტაქსს უნდა ჰქონოდა ერთიანი, ადმინისტრაციის მიერ შემუშავებული და უკრაინის შსს-ს სახელმწიფო საგზაო ინსპექციის დეპარტამენტთან შეთანხმებული, სანომრე ნიშნის ნიმუში. იგეგმებოდა ასეთი ნომრის მიწოდება გადამყვანისთვის წინასწარი შეთანხმებით და რაც მთავარია, მუნიციპალური ტაქსის მძღოლის კანდიდატის წინასწარ უნდა ჩაებარებინა გამოცდა საგზაო მოძრაობის წესებზე.
სამომავლოდ იგეგმებოდა ყველა მუნიციპალური ტაქსის მანქანებისთვის ერთიანი ფერის მიცემა და სხვა მრავალი ფუნქციის დამატება, ასეთების როგორიცაა: დაკარგული ნივთების პოვნა, ნდობის ტელეფონი და ა.შ.
მნიშვნელოვანი ისიცაა, რომ ეს პროგრამა შეიქმნა კერძო სექტორის გასაუქმებლად, იმიტომ რომ, ზემოდ ხსენებულები ვერ უზრუნველყოფდნენ კლიენტს მომსახურების ღირსეულ დონეზე. „მუნიციპალური ტაქსის“ ყველა მანქანა უნდა ყოფილიყო GPS-ნავიგატორებით და მრიცხველებით აღჭურვილი.
ჩემთვის მნიშვნელოვანი იყო არა მხოლოდ ტაქსის ახალი სერვისის შექმნა, არამედ დიალოგის დამყარება ბაზრის უკვე არსებულ მონაწილეებთან, მეწარმეებთან, დიალოგის დაწყება მთლიანად ტრანსპორტის სექტორთან.
მე ყველაფერი გავაკეთე იმისთვის, რომ საუკეთესო ქალაქს ჰქონოდა საუკეთესო ტრანსპორტი.
2009 წლის თებერვალში გავმართე შეხვედრა სატრანსპორტო სექტორთან, ასევე ტაქსის კომპანიების წარმომადგენლებთან და მათ თანამშრომლობა შევთავაზე. ქალაქის ხელისუფლება, ჩემს სახით, დაინტერესებული იყო, რომ კიევის მოსახლეობას მიეღო ხარისხიანი მომსახურება
2010 წლიდან ეს პროგრამა და მისი განვითარება შეჩერდა.